ryeministri Edi Rama ka nisur bashkëbisedimin e kësaj të enjte me ndjekësit përmes rubrikës “Sy m’sy”. Gjatë përgjigjes së pyetjeve nga ndjekësit në rrjete sociale, Rama foli mbi vitet e tij në pushtet që për një pjesë të qytetarëve, është një periudhë kohe më e gjatë se ç’duhet.
Kryeministri theksoi se në këtë post nuk qëndron për veten e tij, por për vendin. Sipas Ramës, misioni i tij është integrimi i vendit në Unionin evropian.
“Partia më e re dhe më e vjetër është PS. Në listat e PS në çdo qark gjen më të rinjtë, edhe ata më me e eksperiencë. Unë s’po kërkoj asgjë për veten time. Nuk është për veten time apo për karrigen ku jam ulur. Këtu është misioni im dhe i PS, të ftoj ta bësh edhe misionin tënd që ta bëjmë Shqipërinë në BE.
Për këtë rri në detyrë. Sa i përket viteve, numëro sa kanë ndenjur jo një por më shumë se një kancelar në Gjermani, dhe pyete veten po gjermanët janë diktaturë apo popull çyryk. Asnjëra dhe as tjetra, kështu edhe shqiptarët. Nuk jetojnë në diktaturë dhe nuk janë popull çyryk”, tha Rama./e.t
