Kreu i Partisë Demokratike, Sali Berisha gjatë fjalës së tij në takim me banorë të Fushë-Krujës u shpreh se edhe 9 ditë e ndanë PD-në nga fitorja. Berisha u shpreh se programi i PD-së nuk është program për pushtetin e Sali Berishës.
Kryedemokrati shtoi se programi i PD-së është për çdo qytetar dhe për të ardhmen e të rinjve. Berisha tha se në këto 9 ditë që kanë mbetur shqiptarët në diasporë duhet të jënë në këmbë si kurrë më parë dhe qytetarët me qq mai të votojnë ndryshimin.
“Miq pra, 9 ditë na ndajnë nga fitorja. Në 12 vite kurrë nuk e kemi pasur kaq afër. Është pothuasje në duart tona, por kjo kërkon nga ne që këto 9 ditë të rendim mbas saj, të vrapojmë mbas saj, të takojmë çdo qytetar, çdo banor kudo që ndodhet të ja paraqesim këtë program. Ti sqarojmë që nuk është program për pushtetin e Sali Berishës, jo dhe jo. Është program për çdo qytetar, është program për dinjitetin e nënave, motrave, baballarëve dhe gjyshërve tanë.
Është program për të ardhmen e fëmijëve dhe të rinjve tanë. Është program që këtë komb ta sjellim përsëri në moshën e rinisë së tij. Është program për të sjellë në Shqipëri përsëri, qindra, mijëra djem e vajza që morën rrugët e dheut, pothuajse të përzënë nga skamja, varfëria, papunësia, pasiguria. Miq! 9 ditë shqiptarët në diasporë janë sot në këmbë si kurrë. Kudo takoj burra, gra të rinj, erdhëm thonë, erdhëm për fitoren. Të gjithë në këmbë, Zoti ju bekoftë ju. Fitore! Më 11 maj, votoni ndryshimin, votoni Krujën Madhështore, Fushë Krujën Madhështore, Shqipërinë Madhështore. Të gjithë jeni 1-sha. 1-sh ishte Skëndërbeu, 1-shi është numri i Zotit. Zoti ju bekoftë, fitore,” tha Berisha. m.p.
