Produktet “Made in Albania” sot gjenden në çdo treg europian, një arritje që vjen falë iniciativës së guximshme të sipërmarrësve dhe punës së palodhur të mijëra punonjësve në fasoneritë shqiptare. Kështu shkruan kandidati i PS për Tiranën, Blendi Gonxhja pas një vizite të bërë në një fasoneri.
Gonxhja thekson se këto biznese janë një shembull i gjallë se si përkushtimi, cilësia dhe besimi në fuqinë vendase mund të thyejnë kufijtë.
“ERI &O sh.p.k është një prej këtyre bizneseve, ku puna, përkushtimi dhe cilësia janë gurët e themelit të suksesit ndër vite. Jemi të vendosur të jemi krah tyre, për të mbështetur prodhimin vendas dhe për ta forcuar gjithnjë e më shumë markën ‘Made in Albania’ në tregun global”, nënvizon Gonxhja./e.t
