Një konflikt me motive pronësie mes dy familjeve në Has përfundon në përleshje fizike dhe me pasojë plagosjen e një çifti bashkëshortësh, që po mjekohen në spitalin e qytetit.
Ngjarja ka ndodhur në fshatin Tpla, kurse policia vendore njoftoi nisjen e veprimeve hetimore dhe shoqërimin e të dyja palëve në Komisariat për veprime proceduriale.
Hetimet janë paraprake dhe më tej do vendoset me Prokurorinë për statusin juridik dhe penal ndaj tyre.
“Dyshohet se janë konfliktuar për motive pronësie, shtetasi Rr. S. dhe familjarë të tij me shtetasin shtetasin A . J. dhe familjarë të tij. Si pasojë e konfliktit janë dëmtuar shtetasi A. J. dhe bashkëshortja e tij, shtetasja V. J., të cilën po marrin mjekim në spitalin e Hasit”, bëri sot (6 maj) me dije policia vendore.
Komisariati sqaron gjithashtu edhe se personat e përfshirë në konflikt janë shoqëruar për veprime procedurale./e.t
