Ministri i Jashtëm i Francës, ka deklaruar se Parisi dënon “shumë fuqishëm” fushatën e re ushtarake të Izraelit në Rripin e Gazës.
Në një intervistë radiofonike, Jean-Noel Barrot, theksoi se qeveria izraelite po shkel ligjin humanitar, duke reaguar ndaj planit të miratuar nga kabineti i sigurisë së Izraelit, që sipas një zyrtari izraelit, përfshin pushtimin e Rripit të Gazës dhe mbajtjen e disa territoreve nën kontroll të përhershëm.
Kryeministri Benjamin Netanyahu deklaroi një ditë më parë se forcat izraelite do të qëndrojnë të stacionuara në të gjitha zonat e Gazës që do të pushtohen, derisa të arrihen qëllimet e luftës.
Plani i ri është përballur me kritika edhe brenda vetë Izraelit. Politikanë të opozitës akuzuan qeverinë se po i jep përparësi mbijetesës politike mbi jetën e pengjeve dhe ushtarëve të IDF-së./E.S
