“Presidenti serb, Aleksandër Vuçiç, ndërpreu vizitën në Shtetet e Bashkuara të premten pasi u sëmur, duke detyruar anulimin e takimeve të planifikuara me zyrtarët amerikanë,” lështu deklaruan nga zyra e Presidencës, por pas një hetimi është zbuluar se nuk është e vërtetë.
Vuçiç, presidenti i Serbisë është përfshirë në një incident të pazakontë ku sipas raportimeve të disa mediave dhe dëshmive nga komuniteti serbo-amerikan, ai dyshohet se ka tentuar të marrë pjesë në një darkë donatorësh të kandidatit republikan për guvernator të Floridës, Byron Donalds, duke përdorur një emër të rremë, si “Aleks Vuçi”.
Lajmi u bë publik nga Aleksandar Joviçiç, anëtar i organizatës “Serbët për Trump 2024”, i cili pretendon se Vuçiç është kapur në shkelje të protokolleve ligjore dhe është larguar me mirësjellje nga autoritetet amerikane.
Lëvizja për Ringjalljen e Mbretërisë së Serbisë e cilësoi këtë ngjarje si “një turp kombëtar dhe dëm të madh diplomatik e gjeopolitik”.
“Presidenti është kapur duke tentuar të hyjë me emër të rremë dhe është detyruar të largohet. Ky është një akt që na ka turpëruar para botës dhe ka krijuar tensione të panevojshme diplomatike,” tha Mihailoviç.
Vuçiç është kthyer menjëherë në Beograd pas incidentit. Autoritetet shtetërore dhe mediat zyrtare në Serbi e justifikuan rikthimin e tij të papritur me probleme shëndetësore, ndërkohë që opozita dhe zërat kritikë e kanë lidhur kthimin me incidentin në SHBA dhe refuzimin e takimit me Vuçiç nga ana e presidentit Donald Trump./E.S
