Një aeroplan i vogël u rrëzua në një lagje të Simi Valley, duke shkaktuar vdekjen e dy personave që ndodheshin në bord dhe duke dëmtuar dy shtëpi pranë vendit të ngjarjes.
Ekipet e zjarrfikësve ndërhynë menjëherë, ndërsa policia rrethoi zonën dhe u bëri thirrje banorëve të qëndrojnë larg zonës. Tym i dendur u pa duke u ngritur nga çatia e një shtëpie në lagjen Ëood Ranch, një komunitet që ndodhet rreth 80 kilometra në veriperëndim të Los Angelesit.
Mbetjet e avionit u gjetën midis dy shtëpive të përfshira nga zjarri. Sipas Departamentit të Zjarrfikësve të Qarkut Ventura, në momentin e incidentit banorët ndodheshin brenda, por fatmirësisht u evakuuan në kohë dhe nuk pati të lënduar. Autoritetet raportuan se të dy shtëpitë pësuan dëme strukturore dhe u prekën nga flakët.
Rreth 40 zjarrëfikës u angazhuan për shuarjen e zjarrit dhe sigurimin e zonës.
Autoritetet nuk dhanë asnjë informacion në lidhje me pilotin e aeroplanit RV-10. Ata gjithashtu nuk thanë se çfarë mund të ketë shkaktuar rrëzimin./E.S
