Surpriza e zgjedhjeve të 11 majit pritet të jenë partitë e reja. Saktësisht, dy më të zëshmet e momentit dhe me përqindjet më të larta në sondazhe, “Mundësia” e Agron Shehajt dhe “Nisma Shqipëria Bëhet” e Adriatik Lapajt.
Sipas Euronews Albania, PS do të marrë mesatarisht 48,2% të votave në rang kombëtar. PD ka pësuar rënie, duke e parë veten në 31,9%.
Nëse dy partitë e mëdha kanë gjithsej rreth 80% të votave, me një llogari të thjeshtë i bie që mbi 800 mijë shqiptarë do të votojnë Ramën dhe 537 mijë shqiptarë do të votojnë Berishën.
Po sa vota do të marrin Shehaj dhe Lapaj? Euronews Albania e sheh Lapajn në kuotën 7,9%, kurse Shehajn në kuotën 7,5%. Kjo do të thotë se ky sondazh parashikon rreth 130 mijë vota për Lapajn dhe 125 mijë vota për Shehajn.
Askush nuk e parashikon dot me imtësi numrin e mandateve që do të fitojnë këto dy parti, por gjithsej ato kanë rreth 275 mijë vota. Nëse do të garonin në një listë të përbashkët, do të mund të fitonin minimalisht 11 mandate. Shohim sa do të fitojnë secili më vete. m.p.
