Pak ditë më parë, Xhonatan Islami pësoi një incident në ajër. Të gjithë u shqetësuan për shëndetin e tij, ndërkohë që padyshim të shumta kanë qenë pyetjet që janë adresuar edhe në llogarinë e Roza Latit, partneres së tij.
Së fundmi ka qenë vetë Roza që përmes një postimi në llogarinë e saj në “Instagram”, ka qetësuar fansat dhe ndjekësit duke u thënë që Xhonatani është në gjendje të mirë shëndetësore.
“Është çdo gjë ok. Shëndosh e mirë. Pa panik. Nuk vritet shqiponja kollaj. Shqiponja është mbreti i qiellit. S’ka më të fortë”, shkruan Roza, ndërkohë nga ana tjetër, vetë Xhonatani na ka treguar se po vijon aktivitetin e tij dhe ndodhet më në formë se asnjëherë.
Kujtojmë se pasditen e së premtes, pas një takimi elektoral po jepej një shfaqje me parashutë dhe kush më mirë se Xhonatan Islami, i njohur për këtë sport gjerësisht, mund ta realizonte një spektakël të tillë.
Por, fatkeqësisht jo gjithçka shkoi sipas parashikimeve! Islami pësoi një defekt në anën e majtë të motorit, duke rënë në plazhin e Potamit ku dhe kishte fëmijët duke luajtur./E.Ç
