Policia e Belfast-it ka lëshuar një apel për ndihmë pas zhdukjes së një 16-vjeçari shqiptar, Marvin Gjuzi, i cili është parë për herë të fundit më 1 maj, rreth orës 13:00, duke ecur drejt Monagh Bypass. Autoritetet shprehen të shqetësuara për fatin e të miturit dhe u bëjnë thirrje qytetarëve që, nëse kanë informacion, të kontaktojnë policinë.
Ky nuk është rasti i parë që autoritetet britanike raportojnë zhdukjen e të miturve shqiptarë nën kujdesin e shërbimeve sociale.
Sipas mediave lokale, shumë prej tyre largohen qëllimisht për të shmangur dëbimin kur mbushin moshën 18-vjeçare, duke u strehuar në komunitetin shqiptar dhe duke qëndruar jashtë sistemit ligjor.
Policia vijon hetimet për të rënë në gjurmët e Marvin Gjuzit.
Njoftimi i plotë i policisë së Belfast-it:
Jemi të shqetësuar për Marvin Gjuzin, 16 vjeç, i cili është raportuar i zhdukur. Ai është parë për herë të fundit duke ecur drejt Monagh Bypass në orën 13:00 më 01/05/2025. Nëse e keni parë Marvinin ose keni ndonjë informacion në lidhje me vendndodhjen e tij, ju lutemi të kontaktoni 101 dhe të citoni referencën 1569 – 01/05/25.
Njoftime të tilla si ky i sotmi i policisë së Befastit janë publikuar edhe në të shkuarën nga të gjithë forcat policore me apele për të identifikuar kryesisht minoren shqiptarë të cilët kanë mbërritur në Britaninë e Madhe dhe janë marrë nën kujdesin e shërbimeve sociale.
Rezulton se, këta minoren të cilët konsiderohen “të zhdukur”, duke e ditur se kur mbërrijnë 18 vjeç sipas ligjit dëbohen në Shqipëri, largohen nga shërbimet sociale, duke qëndruar brenda komunitetit shqiptarë dhe kështu shmangin kthimin në Shqipëri.
