Kandidati i Partisë Demokratike në Lezhë, Gjin Gjoni, është kallëzuar në Polici nga një 66-vjeçar, me pretendimin se i ka shkuar këtij të fundit në shtëpi, për t’I kërkuar votën.
Ky veprim përbën shkelje të Kodit Zgjedhor dhe mund të konsiderohet presion electoral.
Po ashtu, në njoftimin e saj Policia bën të ditur se materialet hetimore për këtë çështje janë referuar në Prokurorinë e Lezhës.
Njoftimi i policisë:
Drejtoria Vendore e Policisë Lezhë
Specialistët për Hetimin e Krimeve në Komisariatin e Policisë Lezhë kanë kryer veprimet hetimore procedurale dhe referuar materialet hetimore në Prokurorinë pranë Gjykatës Shkallës Parë Lezhë,
– Në ngarkim të shtetasit Gj. Gj. 55 vjeç, banues në Lezhë ( kandidat për deputet i subjektit politik “Partia Demokratike”, pasi ndaj tij është bërë kallzim nga shtetasi V. K., 66 vjeç, banues në Lezhë, se i ka shkuar te banesa duke i kërkuar votën./e.t
