Ambasadori i Bashkimit Europian në Shqipëri, Silvo Gonzato, është ndalur në këtë të diel zgjedhjesh në Prokurorinë e Fierit.
Gjatë fjalës së tij, Gonzato u shpreh se është duke kryer një vëzhgim formal zgjedhor dhe se ndodhet në terren për të parë nga afër mënyrën se si po zhvillohet procesi i votimeve. Ai theksoi se procesi zgjedhor po monitorohet në mënyrë intensive dhe se çdo incident do pasqyrohet në analizën përfundimtare.
“Kjo është ditë e rëndësishme për qytetarët shqiptarë, në veçanti pas çeljes së negociatave. Unë sot nuk po bëj vëzhgim zgjedhor. Unë po shikoj sesi po ecin zgjedhjet. Zgjedhjet e sotme janë shumë të rëndësishme. ODIHR po vëzhgon zgjedhjet dhe ata më pas do japin gjetjet dhe rekomandimet e tyre. Sapo kam arritur në qarkun e Fierit.
Unë doja të takohesha me SPAK, për të parë punën që po bëjnë. Po vëzhgoj sesi po ecën puna e bashkëpunimit mes institucioneve për mbarëvajtjen e zgjedhjeve në Shqipëri. Marrëveshja e bashkëpunimit institucional po ecën mirë. Incidentet do të hetohen nga institucionet e vendit. Erdha në Fier, që mos të mbetëm në Tiranë”, tha Gonzato, teksa më tej u shpreh se para se të ndalej në qytetin e Fierit kishte shkuar në Durrës pasi dhe aty kishte informacione mbi aktivitetin e bandave.
“Isha në Durrës isha, sepse kishte informacione për bandat, kishim informacione edhe për bandat në Fier dhe erdha këtu”, tha Gonzato.
Ndërkohë që paralelisht me ambasadorin e BE-së, në Vorë doli në një komunikim për mediat një përfaqësues i Asamblesë Parlamentare të OSBE. Ai theksoi se ndërmombëtarët janë duke monitoruar këtë proces zgjedhor, ndërkohë që më tej u shpreh se vendi ynë ende nuk ka implimentuar rekomandimet e OSBE.
“Ne jemi një organziatë ndërkombëtarë. Asambleja Parlamentare të OSBE dhe ajo që mund të themi aktualisht me procesin zgjedhor themi se disa nga rekomandimet e shkuara nuk janë implimentuar nga adminsitrata zgjedhore dhe këtu përmendim dy nga rekomandimet që nuk janë zbatuar, Mund të përmendim një nga rekomandimet tona i cili është votimi nga jashtë, por disa të jtera nuk janë përmbysur”, tha ai ndër të tjera. m.p.
