John Legend ka folur në një intervistë të botuar të shtunën nga “London Time” për marrëdhënien e tij me Kanye West dhe për “rënien” që ai ka pësuar.
“Kur u takuam në fillim të viteve 2000, Kanye ishte shumë i apasionuar, shumë i talentuar dhe kishte ëndrra të mëdha, jo vetëm për veten e tij, por për të gjithë përreth tij. Ai kishte shumë optimizëm dhe kreativitet. Është e trishtueshme, ndonjëherë tronditëse të shohësh se ku ka përfunduar tani”, tha Legend.
Legend nënshkroi një marrëveshje me shtëpinë diskografike të West, GOOD Music, në vitin 2004, dhe të dy u bënë miq të ngushtë. Ai kujtoi se si West u bë i famshëm pasi prodhoi albumin e Jay-Z në vitin 2001, The Blueprint, dhe si kjo e ndihmoi Legend të fitonte vëmendje si artist.
“Nuk pashë asnjë shenjë të asaj që po shohim tani – obsesionin me antisemitizmin. Është e dhimbshme të shohësh këtë rënie”, tha Legend. “Nuk mendoj se jemi të kualifikuar për ta analizuar psikologjikisht, por pas vdekjes së nënës së tij në vitin 2007, ndodhi një ndryshim i madh. Rënia e tij filloi atëherë dhe është përshpejtuar kohët e fundit”./E.Ç
