Analisti Andi Bushati tha në emisionin “Të Pakespozuarit” se në Shqipëri nuk ka zgjedhje, por ka votime.
Ai vë në dukje se çdokush tjetër, përveç Ramës, ka qenë në kushte ekstremisht të pabarabarta në këtë garë.
“Këto s’janë zgjedhje, janë votime, që rezultati dihet, fituesi dihet, pasaporta europiane s’dihet. S’jam i surpizuar nga qetësia, aq më tepër që u shoqërua me show-n e Giro d’Italia.
Unë e shoh Partinë Mundësia dhe z.Shehaj, si shembulli që i është ngrënë haku. Sa nga mediat tona të mëdha i kanë bërë jehonë debatit të tij me ministren e Shëndetësisë?
Në Shqipëri s’ka zgjedhje. Unë si qytetar po të shihja vetëm debatin e z.Shehaj me ministren e Shëndetësisë, s’kishte shans t’i jepja votën PS-së, do t’ia jepja Agronit, tjetrit.
Këtu çdokush tjetër përveç Ramës kanë qenë në kushte ekstremisht të pabarabarta në këtë garë. Mjedisi demokratik është iluziv, janë zgjedhje barbare dhe Agroni është një nga viktimat e këtyre zgjedhjeve barbare”, tha ai./e.t
