Festivali i Filmit në Kanë i thote “boll” zhveshjes: Organizatorët e eventit të rëndësishëm kanë përcaktuar së fundi rregulla të reja e më të ashpra për kodin e veshjes për të ftuarit e ceremonisë që mbahet të martën.
Festivali i mbushur me yje kishte mbërritur në pikën që më shumë të tërhiqtë vëmendjen për veshjet e të ftuarve të famshëm sesa për filmat që shfaqen në bulevardin Croisette. Por këtë vit do të hyjnë në fuqi rregulla të reja për zhveshjen, të hartuara “në emër të mirësjelljes”, kur regjisoreja franceze Amélie Bonnin të hapë ceremoninë me filmin “Leave One Day”.
Sipas organizatorëve, ky veprim i rreptë është një përpjekje për të frenuar trendin e famshëm për të veshur “fustane të zhveshur” – domethënë veshje provokuese që zbulojnë shumë më tepër sesa fshehin – në tapetin e kuq. “Nga arsye mirësjelljeje, zhveshja është e ndaluar në tapetin e kuq, si dhe në çdo zonë tjetër të festivalit”, thuhet në një dokument zyrtar të Festivalit të Cannes./E.Ç
