Pep Guardiola e di shumë mirë se ka kaluar tri vite fantastike si trajner i Bayern, por kur vjen puna te suksesi i tij personal, është i pamëshirshëm.
Edhe pse e di që klubi bavarez është gati të marrë një hua ose të shesë 5% të aksioneve për blerjen e Florian Wirtz, trajneri spanjoll po ndërhyn.
Mediat gjermane zbulojnë se familja e sulmuesit ka fluturuar drejt Manchester, ku Pep ka gati një ofertë. Tekniku i ka theksuar lojtarit gjerman se te City, ndryshe nga Bayern, nuk ka asnjë rival në rolin e tij. Me largimin e De Bruyne, Pep i ka premtuar vend titullari si trekuartist.
Te Bayern situata është ndryshe. Wirtz luan në të njëjtin rol me Musialën, edhe pse të dy mund të luajnë në çdo rol të ofensivës, majtas, në qendër dhe djathtas.
Kujtojmë se Wirtz kushton 140 mln euro. m.p.
