Në moshën 62-vjeçare, Tom Cruise nuk tregon asnjë shenjë lodhjeje kur bëhet fjalë për skenat sfiduese të filmave të tij. Ylli i “Mission Impossible” ka ndarë së fundmi me publikun se sekreti i energjisë së tij të pashtershme është një mëngjes klasik anglez – i përditshëm dhe i bollshëm.
“Unë ha një mëngjes vërtet të bollshëm,” ka rrëfyer aktori për gazetën Mirror. “Energjia e nevojshme, stërvitem shumë për akrobaci me ecje me krahë. Ha, le të themi, salçiçe, pothuajse një duzinë vezësh, proshutë, bukë, kafe dhe shumë lëngje. Imagjinoni, është ftohtë atje lart, jemi në një lartësi të madhe. Trupi im djeg shumë energji.”
Dieta e tij e pazakontë, që përfshin rreth 12 vezë çdo ditë, kujton zakonet e yjeve të tjerë si Dwayne Johnson apo Mark Wahlberg, të cilët janë mbështetur te ushqimi i bollshëm për të përballuar kërkesat e rënda fizike të roleve të tyre.
Cruise po qëndron edhe në qendër të vëmendjes për jetën e tij private. Fundjavën e kaluar ai u pa në Londër, ku mori pjesë në festën e 50-vjetorit të David Beckham. Aktori mbërriti fillimisht i vetëm në restorantin luksoz “Core” në Notting Hill, por më vonë u fotografua duke u larguar me aktoren Ana de Armas, e cila ndodhej në sediljen e pasme të makinës së tij, e mbuluar nga çadrat e truprojave./E.Ç
