Shqipëria do të kthehet në kryeqendrën e Evropës më 16 maj, kur mbahet Samiti Politik Evropian. 47 liderë nga i gjithë kontinenti do të zbarkojnë në Tiranë, për takimin e 6-të të Komunitetit Politik Evropian, i cili e nis zyrtarisht punën në orën 11:00, për të përfunduar më pas në orën 18.30 me konferencën përmbyllëse.
Pjesa dërrmuese e tyre, do të mbërrijnë në Tiranë që sot. Drejtuesit më të lartë të BE, presidentja e Komisionit Evropian Ursula Von nder Leyen, presidenti i Këshillit Evropian Antonio Kosta dhe përfaqësues për politikën e jashtme të BE, Kaja Kallas do të marrin pjesë në një darkë informale me liderët e Ballkanit Perëndimor.
Sot ka mbërritur në Tiranë edhe kryeministri britanik Keir Starmer, në kuadër të një vizite zyrtare.
Ditën e sotme, do të mbërrijnë në Tiranë në kuadër të samitit liderët e shteteve: Maqedonia e Veriut, Andora, Qipro, Azerbajzani, Polonia , Bullgaria, Mali i Zi, Serbia, Holanda, Finlanda, Lituani, Spanja, dhe Kosova, e cila do të përfaqësohet nga presidentja Vjosa Osmani. Edhe Greqia do të përfaqësohet në nivel presidencial.
Nesër pritet të vijnë liderët e vendeve: Belgjika, Austria, Turqia, Hungaria, Koraci, Slloveni, Çeki, Sllovaki, Franca dhe Ukraina. Çdo 5-10 minuta nesër në aeroportin e Rinasit pritet të zbresë nga një delegacion. Mësohet gjithashtu se gjatë samitit pritet të firmoset edhe një marrëveshje me Italinë në fushën e shëndetësisë.
AXHENDA E PLOTË E SAMITIT
10:00 – Mbërritje
11:00 – Ceremonia e hapjes
11:30 – Foto familjare
11:45 – Seanca e parë plenare
13:00 – Dreka zyrtare
14:30 – Tryeza tematike
15:45 – Takime dypalëshe midis Kryetarëve të Delegacioneve
17:30 – Seanca plenare mbyllëse
18:30 – Konferencë e përbashkët për shtyp me Kryeministrin e Shqipërisë dhe Kryeministrin e Danimarkës (pritesi i radhës)/e.s
