Nëse do të dish nëse një grua të do vërtet, mos kërko për gjeste madhështore apo deklarata si në filma.
Psikologjia thotë se janë pikërisht detajet më të vogla ato që tregojnë dashurinë më të thellë. Janë ato gjërat që ndoshta ti nuk i vëren menjëherë, por ajo i bën gjithsesi – pa zhurmë, pa kërkuar asgjë në këmbim.
Ja cilat janë ato 11 shenja që s’duhen nënvlerësuar:
1. Mban mend gjërat më të vogla
Që nga mënyra si e pi kafen, te emri i atij grupit të vjetër muzikor që e përmende njëherë kot, ajo kujton çdo detaj. Sepse kujtesa e saj selektive ruan gjithçka që lidhet me ty. Dhe jo, nuk është rastësi.
2. Provon gjërat që ti pëlqen
Edhe nëse sporti yt i preferuar nuk është fort i pëlqyer për të, ajo është aty me ty. Do e provojë, do përpiqet, do të përfshihet. Sepse kur të do me shpirt, ajo do të jetë pjesë e botës tënde, edhe kur s’është e thjeshtë për të.
3. Të dëgjon pa paragjykim
Në një botë ku të gjithë duan të flasin, ajo zgjedh të dëgjojë. Jo thjesht nga mirësjellja, por sepse do të të kuptojë, jo të të gjykojë. Dhe ky është një luks emocional që nuk ta ofron kushdo.
4. Është e hapur me ndjenjat
Ajo nuk ka frikë të tregojë veten e saj të vërtetë – të qajë para teje, të jetë e pasigurt, të jetë vetvetja. Sepse me ty ndihet e sigurt. Dhe ky lloj vulnerabiliteti nuk është dobësi, është dashuri në formën më të pastër.
5. Flet për të ardhmen si “ne”
Planifikon pushime, imagjinon shtëpinë, flet për jetën që do të ndani. Kur një grua të do me shpirt, e ardhmja nuk është “unë”, është “ne”.
6. Bën kompromise pa dramë
Nuk bën lista, nuk mban inat, nuk numëron herët që ka “lëshuar pe”. Ajo thjesht e bën, sepse ti je prioritet. Dhe kjo lloj pjekurie është e rrallë – dhe e çmuar.
7. Të komplimenton shpesh
Një fjalë e mirë për pamjen, një vlerësim për karakterin, një kompliment për atë që je – ajo të vlerëson dhe nuk ngurron ta thotë. Sepse dashuria që nuk shprehet, thjesht zhduket.
8. Flet mirë për ty, edhe kur s’je aty
Ndryshe nga ato që “shkarkojnë baterinë” duke u ankuar për partnerin te shoqet, ajo të mbron. Edhe kur keni debate. Sepse respekti i saj për ty nuk është përzgjedhës.
9. Të mbështet në qëllimet që ke
Qoftë duke të lënë hapësirë për të ndjekur pasionet apo thjesht duke të dhënë një shtysë kur je në dilemë, ajo do që ti të rritesh. S’ka xhelozi, s’ka frikë. Vetëm mbështetje të pastër.
10. Të jep hapësirë
Ajo e di që s’keni nevojë të jeni çdo sekondë bashkë për të qenë mirë. Të jep kohë për veten, për miqtë, për ëndrrat e tua. Dhe kjo tregon sa shumë beson te ju të dy – dhe te vetja.
11. E ndjen kur nuk je mirë
Nuk ka nevojë të flasësh – ajo e di. Nga mënyra si rri, si hesht, si sheh. Dhe pa të pyetur, pa të ngacmuar, është aty. Me një përqafim, një buzëqeshje apo një fjalë të ngrohtë në momentin e duhur.
Dashuria nuk është gjithmonë dramatike, me fishekzjarre dhe deklarata në Instagram. Shpesh është e heshtur, konstante dhe shfaqet në mënyrat më të thjeshta. Prandaj, kur ajo grua bën këto gjëra, mos i merr si të mirëqena./E.Ç
