Gazetarja Klodiana Lala ka dhënë detaje përplasja që ka agravuar në prekje fizike në Yrshek, Kashar, mes vëzhguesit të Orlando Rakipit dhe sekretarit të kësaj KZAZ.
E ftuar në emisionin “Të Paekspozuarit” në MCN TV, Lala tha se janë votuar dy kandidatë në një fletë, dhe në momentin që vota u shpall e pavlefshme, janë futur disa persona ndërsa njëri prej tyre ka goditur sekretarin e KZAZ. Ky i fundit rezulton me precedent penal, teksa është shoqëruar nga policia.
Ndërkohë, Lala theksoi se ka edhe të tjerë të shoqëruar, ndërsa është filmuar edhe një automjet me para brenda, që drejtohej nga një grua.
“Ka patur kontestime për një votë nga vëzhguesit e Ornaldo Rakipit. Janë votuar dy kandidatë në një fletë. Kur vota u shpall e pavlefshme, janë futur një sërë përsonash, por njëri prej tyre ka goditur sekretarin e KZAZ. U desh ndërhyrja e Celibashit që të vinte në Yrshek. Personi është ndaluar, është person me precedent penal. Janë shoqëruar edhe dy persona të tjerë për t’u marrë në pyetje. Ne filmuam edhe një automjet që drejtohet nga një grua, por brenda ka patur para dhe u sekuestruan nga policia”, tha ndër të tjera Lala./e.s
