Pas një mungese prej 14 vitesh, Angelina Jolie kthehet me stil në tapetin e kuq të Festivalit të Kanës 2025, si një figurë që përfaqëson shumë më tepër se thjesht famë hollywoodiane.
Këtë herë ajo nuk është vetëm aktore, por edhe ambasadore e Trophée Chopard, një çmim prestigjioz që nderon talentet e reja të kinemasë botërore.
Jolie nuk është shfaqur në Kanë që nga viti 2011, por kush mund ta harrojë pamjen e saj në vitin 2008, dorë për dore me Brad Pitt?
Sot ajo rikthehet me një tjetër rol – mentore, regjisore dhe grua që ndikon me angazhimin e saj social dhe artistik.
Prania e saj në Kanë këtë vit pritet të jetë po aq e fuqishme sa gjithmonë, me bizhuteri të shtrenjta, stil elegant dhe ndoshta një reflektim i filozofisë së Atelier Jolie, projektit të saj të fundit të modës me qasje të qëndrueshme./E.Ç
