Drejtuesi politik i Partisë Demokratike për Qarkun e Lezhës, Agron Gjekmarkaj, ka festuar sot 51-vjetorin e lindjes në mënyrë të pazakontë, duke qëndruar në Parkun Olimpik, ku po vazhdon numërimi i votave të Diasporës. PD arriti të ruajë rezultatin me 4 mandate në këtë qark.
Gjatë procesit të numërimit, Gjekmarkaj u surprizua fillimisht nga kolegia Elda Hoti, ndërsa në përfundim të numërimit, tensionet e mëparshme midis palëve politike lanë vendin për një moment simbolik bashkëpunimi.
Përfaqësues të Partisë Socialiste e surprizuan Gjekmarkajn duke i dhuruar një tortë me urimin “Edhe 100 Agron”. Me një notë humori, ai komentoi: “Mos i keni hedhur helm”.
Gesti u prit me të qeshura dhe u cilësua si një moment i rrallë paqeje mes kundërshtarëve politikë gjatë një procesi zgjedhor të ngarkuar./e.t
