Dy shqiptarë përkatësisht të moshave 38 vjeçe dhe 25 vjeç, kanë rënë në prangat e policisë italiane të akuzuar për posedim të lëndëve narkotike me qëllim shpërndarjen.
Pas një sërë hetimesh të kryera mbi këta dy persona, autoritetet kapën në flagrancë dy shqiptarët në momentin që po transportonin drogën nga shtëpia për në automjet.
Fillimisht policia e Firences pikasi 25-vjeçarin, i cili pasi parkoi automjetin poshtë banesës, me një sjellje të kujdesur u fut brenda në shtëpi për të dalë pas pak me një çantë të zezë në dorë. Teksa gjatë kohës ruhej nëse ishte duke u vëzhguar nga persona të tjerë, ai vendos menjëherë në automjet çantën, ndërsa ndalohet nga policia.
Gjatë kontrollit, në çantë u gjetën 6 pako kokainë të mbështjella me qese plasitke ngjyrë blu dhe sipër kishin të shkruara një numër 3-shifror.
Në të njëjtën kohë, nga apartamenti zbret shqiptarja 38-vjeçare, e cila gjithashtu në dorë mbante një çantë. Në atë moment ajo ka tentuar t’i shpëtojë arrestimit, por është ndaluar nga oficerët e policicë.
Gjatë kontrollit në banesë, u gjetën të fshehura në një dollap pako të tjera më lëndë narkotike. Gjithashtu në një kasafortë të fshehur në mur pas një pikture, u gjetën dhe u sekuestruan shuma parash me vlerë 11,450 euro. Në total u sekuestruan 23 kg kokainë të ndara në 20 pako gati për shitje. m.p.
