Real Madridi ka njoftuar zyrtarisht largimin e mesfushorit legjendar Luka Modric, një lajm që ka befasuar tifozët anembanë botës.
Përmes një postimi në rrjetet sociale, klubi spanjoll i dha lamtumirën kapitenit të tyre pas 13 vitesh të jashtëzakonshme.
Modric, 39-vjeçari kroat, iu bashkua Real Madridit në vitin 2012 dhe gjatë kësaj periudhe u shndërrua në një nga lojtarët më të dashur dhe më të suksesshëm në historinë e klubit.
Madridistas, os quiero mucho 🤍 pic.twitter.com/q2GHHs6zbN
— Luka Modrić (@lukamodric10) May 22, 2025
Ai fitoi Topin e Artë në vitin 2018, duke u bërë lojtari i parë përveç Lionel Messit dhe Cristiano Ronaldos që e rrëmbeu këtë çmim që nga viti 2007.
Gjatë karrierës së tij me Real Madridin, Modric ka ngritur 6 herë trofeun e Ligës së Kampionëve dhe ka qenë një figurë kyçe në mesfushën e ekipit.
👏 #GraciasLuka 👏 pic.twitter.com/ku6NIP56t5
— Real Madrid C.F. (@realmadrid) May 22, 2025
Ky largim vjen në një kohë kur Real Madridi po përgatitet për një epokë të re nën drejtimin e trajnerit të ri, Xabi Alonso, i cili pritet të marrë frenat e ekipit pas largimit të Carlo Ancelottit./ D.C
