Igli Tare është drejtori i ri sportiv i klubit të Milanit. Shqiptari ka firmosur një kontratë 2-vjeçare me italianët, teksa ka edhe opsion rinovimi edhe për një sezon tjetër. Gjithashtu siç dihet do të marrë një pagë prej 800 mijë euro në vit.
Menjëherë pas firmës së ish-futbollistit të Kombëtares me Milan urimet për të janë të shumta. Një prej tyre ka ardhur edhe nga Partizani. “Të kuqtë” i kanë uruar shumë suksese ish-lojtarit të tyre, ndërsa shkruajnë se ndjehen shumë krenarë për të.
“Klubi i Futbollit Partizani uron Igli Taren për detyrën e rëndësishme që ka marë sot si Drejtor Sportiv i Milanit. Ish-futbollisti i Partizanit do të drejtojë një prej klubeve më të mëdha jo vetëm në Itali, por edhe në gjjthë Evropën duke bërë krenarë gjithë shqiptarët dhe veçanërisht tifozët e kuq të Partizanit, klubit nga akademia e të cilit ka dalë si futbollist dhe që ka veshur fanellën e ekipit te parë në vitet 1993-1994. Një arritje madhështore për një figurë të shquar të futbollit shqiptar. Suksese në këtë kapitull të ri – jemi krenarë për ty!
#sukseseiglitare #pmtp”, ka shkruar klubi kryeqytetas.
Napoli fitoi mbrëmë titullin kampion në Serie A. Një sukses i jashtëzakonshëm nga napolitanët, të cilët me Antonio Conten arritën të ngrejnë lart këtë trofe.
Sigurisht që protagonist te kampionët ishte edhe Amir Rrahmani. Mbrojtësi shqiptari fitoi titullin e 2-të në 3 vitet e fundit me Napolin, duke qenë një lider i padiksutueshëm në formacion.
Pikërisht mbrojtësi shqiptar ka marrë shumë mesazhe. Partizani nëpërmjet një postimi në rrjetet sociale shpehet shumë krenar për këtë triumf të ish-lojtarit të tyre, ndërsa i urojnë sa më shumë suksese në vazhdim.
“Amir Rrahmani sërisht kampion i Italisë Serie A me Napolin.
Ish mbrojtësi i kuq, i cili ka luajtur për dy vite te PARTIZANI 2013-2015, bëhet përsëri pjesë e historisë të futbollit italian duke dhënë kontributin e tij në fitimin e titullit të 4-rt kampion të klubit napolitan. Arritje e jashtëzakonshme edhe në aspektin personal. Rrahmani bëhet lojtari i parë shqiptar që fiton dy herë titullin kampion në Seria A. Urimeeee #AmirRrahmani #njëriprejnesh #pmtp????”, ka shkruar klubi i kuq./E.T
