Ebujshme! Simone Inzagi do të jetë trajneri i ri i Al Hilal. Në Arabinë Saudite e bëjnë të kryer marrëveshjen mes palëve, që e largon 49-vjeçarin nga Interi.
Trajneri italian mesa duket nuk ka pyetur as për finalen e Champions, duke pranuar ofertën marramendëse. Inzagi pritet të përfitojë 25 milionë euro në sezon.
Kontrata do të jetë e vlefshme deri në vitin 2027. Inzagi nuk do të ketë kohë për pushime, pasi Al Hilal luan në Botërorin e klubeve.
Tek Interi ndërkohë largohet edhe pse kishte një tjetër vit kontratë. Ndeshja e lamtumirës do të jetë ajo me PSG-në në finalen e Champions-it, pikërisht më 31 maj. Lajmi nuk mund të kalojë pa ndikuar psikologjikisht te ekipi zikaltër, edhe pse një finale Championsi e fituar, është ëndrra e secilit prej lojtarëve.
Trajneri largohet pas një cikli fitimtar, pavarësisht si do të shkojnë gjërat në Mynih dhe po kështu, pavarësisht faktit që titulli kampion në Serie A, u iku nga duart në ndeshjen e parafundit. Si timonier i Interit fitoi 1 titull në Serie A, dy Kupa të Italisë dhe tre Superkupa. m.p.
