Një lum pasioni që rrjedh paralel me detin, blunë e të cilit e ndan edhe vetë. Është spektakli i pabesueshëm i krijuar nga dyqind mijë tifozë të Napolit që u ‘derdhën’ përgjatë afërsisht tre kilometrave të bregdetit, duke filluar nga ‘Piazza Vittoria’, ku filloi parada e autobusëve të dekoruar për festimet e titullit kampion të 4-t në Serie A.
Krahasuar me euforinë e natës së së premtes, asgjë nuk ka ndryshuar. Gëzimi është ende i papërmbajtshëm. Trombë, flamuj, bomba tymi, altoparlantë përgatitën ‘përqafimin’ me të cilin ekipi u prit për të nisur festën. Kryetari i Bashkisë, stafi, presidenti i klubit dhe futbollistët mbërritën nga deti.
Një autobus ishte rezervuar për lojtarët, një tjetër për De Laurentiis, drejtuesit, stafin teknik dhe punonjës të tjerë të klubit. Ndërsa kalonin, një flakë blu shoqëronte dy automjetet, me bomba tymi dhe flamuj që valëviteshin. Parada zgjati pak më shumë se një orë e gjysmë.
Një tjetër festë private për ekipin është planifikuar për mbrëmjen e së hënës, ndërsa nesër (27 maj) skuadra do jetë në Vatikan ku do pritet nga Papa Leoni i XIV. m.p.
Napoli, SSC Napoli celebrate the Serie A title on road. 200 mila persone al Lungomare. Napoli – Serie A pic.twitter.com/QQNcPAxjBD
— News video (@Newsvideo13) May 26, 2025
