Kris Jenner mori gjithë vëmendjen kur zbriti në pistën e festës së Lauren Sanchez në Paris me pamjen e saj të rinovuar. Të gjithë sytë u fokusuan te fytyra e saj e tendosur.
Menjëherë u bënë virale fotot nga nata në fjalë dhe nuk munguan komentet nga ndjekësit në rrjetet sociale.
“A është vërtet 69 vjeç?”, “Cili është sekreti pas këtij transformimi?”. E gjithë bota sociale dëshironte të zbulonte se si Jenner arriti të sfidojë kohën me një pamje kaq rinore.
E së fundmi është zbuluar mjeshtri i transformimit
Dr. Steven Levine, kirurgu i njohur i Upper East Side në Nju Jork, ka qenë “arkitekti” i këtij rezultati mahnitës. Me diplomë nga NYU Medical School dhe mes të preferuarve të emrave më të mëdhenj të Hollywood-it, Dr. Levine ka ndërtuar një reputacion të pathyeshëm falë qasjes së tij precize, ku “më pak është më shumë”. Ai realizon ndërhyrje estetike që ruajnë natyralitetin, duke forcuar linjat e fytyrës pa humbur ngjyrat e emocioneve që secili prej nesh reflekton./E.Ç
