Gazetari Lavdrim Lita ka komentuar zgjedhjet e 11 majit dhe qëndrimet e dy partive kryesore.
Lita theksoi se humbja e Partisë Demokratike ka qenë më e thellë se ç’pritej nga vetë kjo forcë politike, ndaj tani ajo po kërkon mënyra për të justifikuar rezultatin.
“2 javë pas procesit zgjedhor nuk me një rezultat të plotë. Nuk kemi akoma numrin zyrtarë të votuesve, çka lë dyshime se këto që po merret duket si një neglizhencë kaq kohë pas zgjedhjeve. Nuk jemi as në ritmet e Kosovës apo Malit të zi që e nxjerrin pas 72 orësh.
PD-ja është e tronditur nga humbja, ndërsa PS-ja nga fitorja. Kur është konsumuar pushtetit pas 12 vitesh qeverisje, arriti që të ngrihej në 83 mandate, 10 më shumë se në mandatin e tretë.
PD-ja nuk e priste kaq të thellë humbjen dhe prandaj po mundohet të ankohet dhe të gjejë forma shpjegimi për këtë gjë”, tha Lita./ET
