Kryeministri Edi Rama mblodhi sot deputetët socialistë të dalë nga zgjedhjet e 11 majit në një takim në Pallatin e Brigadave në Tiranë, teksa ka dhënë porositë e tij në marrjen e mandatit të katërt.
Rama preku shkurtimisht disa pika në të cilat do të punojnë gjatë këtij mandati. Më tej, referuar 83 mandave të fituara, kryeministri i konsideroi 1 mandat të vetëm, atë të Partisë Socialiste për Shqipërinë 2030.
“Por përpara se ta mbyll këtë fjalë të përbashkët, dua të prek nevojë emergjente një bazë nisje të posaçme që rruga drejt finishit të jetë me shpejtësinë e duhur.
E dyta, duhet të organizojmë disa mbledhje të mëdha pune një apo dyditore me grupet kyçe të interesit dhe të flasim për sfidat e mandatit të 4. Lista është hapur për propozime. Është një kohë e artë dhe nevojë jetike, jam i bindur që do mësojmë shumë, jam i sigurtë që do mësojmë shumë.
Së treti, duhet të nisim menjëherë përgatitjet dhe punën për zgjedhjet e ardhshme vendore. Ky mandat që sapo kemi marrë nuk është piedestal për t’i parë të tjerët nga lart poshtë, pa asnjë ekzagjerim, projektojeni 4 vite pas dhe imagjinoni që ne mos ta kemi shpërblyer me fakte gjithë këtë besim që na dhatë.
83 mandate nuk janë një mënyrë për të treguar se kush jemi ne, por kush mund dhe duhet të jemi ne. Nuk duhet të na trimërojë, në kuptimin që të bëhemi si ajo shprehja “i riu si veriu”, por të na urtësojë, që t’i kuptojmë dy herë veprimet që duhet të ndërmarrim.
Në thelb, e vërtetë është se jemi 83 deputetë, por jo 83 mandate, është vetëm 1 mandat, ai i Partisë Socialiste.”, tha Rama. m.p.
