Presidenti amerikan, Donald Trump reagoi me tone të ashpra pas sulmeve masive nga ushtria ruse, me dronë dhe raketa, në Ukrainë. Trump thotë se nuk është i kënaqur me Vladimir Putinin, pas sulmit më të madh ajror të Moskës ndaj Ukrainës gjatë fundjavës.
Në një postim në platformën Truth Social, Trump shkruan: “Gjithmonë kam pasur një marrëdhënie shumë të mirë me Vladimir Putinin e Rusisë, por diçka i ka ndodhur atij. Ai është çmendur plotësisht! Po vret shumë njerëz pa nevojë, dhe nuk po flas vetëm për ushtarë”.
Shefi i Shtëpisë së Bardhë vijon më tej në postimin e tij duke rikthyer në vëmendje parashkimin që ai ka bërë kohë më parë se Putin kërkon të pushtojë të gjithë Ukrainën. Por në këtë pikë Trump bën një paralajmërim të fortë drejtuar Kremlinit duke u shprehur se po të ndodhë një gjë e tillë atëherë pasojat për Rusinë do të ishin fatale.
“Gjithmonë kam thënë se ai dëshiron të gjithë Ukrainën, jo vetëm një pjesë të saj, dhe ndoshta kjo po rezulton të jetë e saktë, por nëse e bën, kjo do të çojë në rrëzmin e Rusisë!”, shprehet Trump./kb
