Komisioni Qendror i Zgjedhjeve certifikoi rezultatin e zgjedhjeve të 11 majit me tabelat përmbledhëse të të 12 qarqeve, duke vulosur rezultatin 83 mandate për PS, 50 për PD-ADSHM dhe 7 mandate për forcat e tjera të reja; 3 PSD, 2 Mundësia, 1 Lëvizja Bashkë dhe 1 Nisma Shqipëria Bëhet.
Pas certifikimit, Partia Socialiste vendosi të festojë fitoren e zgjedhjeve të 11 majit mbrëmjen e sotme (ora 18:30) në pallatin e Brigadave.
Por ndryshe është atmosfera në kampin demokrat, i cili po përgatit ankimimin për rezultatet në Berat dhe Korçë.
PD pretendon për një masakër zgjedhore, teksa të njëjtin hap tha se do e ndjekë edhe me qarqet e tjera, por ka sqaruar nëse këtu përfshihen edhe qarqet që i fitoi vetë, si; Kukës, Shkodër dhe Lezhë. Deri tani PD ka ankimuar Kukësin dhe me Beratin dhe Korçën do të bëhen 3 qarqe të kontestuara./e.t
