Shoferi i masakres, një burrë 53-vjeçar britanik u arrestua në vendngjarje në Liverpool, sipas Policisë së Merseyside.
Duke e përshkruar përplasjen si një “incident të izoluar”, policia tha se nuk po kërkonte të dyshuar të tjerë dhe nuk po e trajtonte incidentin si terrorizëm.
Qindra mijëra tifozë të futbollit mbushën rrugët në zemër të Liverpulit të hënën, duke valëvitur flamuj dhe fishekzjarrë për të festuar titullin e 20-të të klubit ikonik në ligën e parë.
Ndërsa parada po mbaronte, ato skena gëzimi u shndërruan në kaos. Videot nga mediat sociale tregojnë një makine gri duke u përplasur me mbështetësit e futbollit.
Të paktën 27 persona u dërguan në spital, shpjegoi David Kitchen i Shërbimit të Ambulancës Veriperëndimore, pasi deklaroi se të gjithë ishin “të tmerruar dhe të trishtuar” nga incidenti.
Ai shtoi se 20 persona të tjerë u trajtuan në vend për lëndime të lehta, ndërsa disa të tjerë të panjohur raportuan në spitalet e qytetit. Midis të plagosurve ishin edhe katër fëmijë.
Katër persona tre të rritur dhe një fëmijë, u desh të shpëtoheshin nga poshtë automjetit, sipas Shefit të Zjarrfikësve të Shërbimit të Zjarrfikësve dhe Shpëtimit të Merseyside, Nick Searle.
Dy prej të shtruarve në spital – një fëmijë dhe një i rritur – kane “pësuar lëndime të rënda”./E.T
