Ambasada e SHBA-së “uron thatë” për zgjedhjet e 11 majit

113 563 lexime

124,178FansaPëlqeje

Ndërsa opozita po mbetet dyerve të institucioneve për të gjetur të vërtetën e saj pretenduar për “zgjedhje të manipuluara” Shtetet e Bashkuara të Amerikës reaguan dje në një mesazh të thatë, por fort diplomatik i cili po lexohet herë si “urim për zgjedhjet” dhe herë si “pikëpyetje” për mbështetjen e qeverisë.

Ambasada e Shteteve të Bashkuara të Amerikës në Tiranë ka reaguar për herë të parë lidhur me zgjedhjet parlamentare të 11 majit, duke dhënë një mesazh që në mënyrë të tërthortë shihet si një njohje e legjitimitetit të procesit zgjedhor në vend. Përmes një postimi të shkurtër në rrjetet sociale, ambasada amerikane ka përgëzuar qytetarët shqiptarë për zgjedhjet dhe ka theksuar se SHBA pret të vijojë partneritetin e ngushtë me Shqipërinë. “Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë.”, thuhet në deklaratë. Ky reagim i ambasadës interpretohet si një mesazh stabiliteti dhe vazhdimësie në marrëdhëniet ndërmjet dy vendeve, dhe në të njëjtën kohë si një miratim i heshtur për rezultatin e zgjedhjeve, ndonëse pa hyrë në vlerësime të drejtpërdrejta për standardet apo klimën e procesit. Krahasuar me zgjedhjet e tjera mesazhi i ambasadës së SHBA-ve nuk është i njëjtë. Në mesazhin e fundit nuk përmendet bashkëpunimi me qeverinë, apo urimi në vetë të parë për kryeministrin Edi Rama. Më shumë duket një mesazh kalimthi sa për të vënë emrin në rreshtin e shteteve të tjera, por kur mesazh I thatë vjen nga SHBA, edhe vetë thatësia lë shumë nënkuptime. Ndërkohë, në kampin opozitar situata mbetet e tensionuar. Partia Demokratike dhe aleatët e saj kanë deklaruar se nuk e njohin rezultatin përfundimtar, duke ngritur një sërë dyshimesh për manipulime në procesin e votimit dhe numërimit. Kryetari i PD-së Sali Berishë, në daljet e tij për mediat, shprehet se zgjedhjet u zhvilluan “nën klimën e frikësimit, abuzimit me pushtetin dhe mungesës së garancive të barabarta për të gjithë aktorët politikë.” Opozita ka dorëzuar zyrtarisht kërkesa për rinumërim votash në qarqet e Tiranës, Durrësit, Korçës dhe disa zona të tjera, duke paralajmëruar se nuk do të qëndrojë pasive nëse KQZ nuk i trajton seriozisht këto pretendime. Nga ana tjetër, Komisioni Qendror i Zgjedhjeve ka konfirmuar se është në proces të shqyrtimit të kërkesave të paraqitura nga subjektet zgjedhore dhe do të veprojë në përputhje me Kodin Zgjedhor dhe afatet e përcaktuara për ankimimet. Zyrtarisht, rezultati paraprak është shpallur dhe janë ndarë mandatet. SHBA, si një nga partnerët strategjikë më të rëndësishëm të Shqipërisë, ka ndjekur prej vitesh nga afër çdo proces zgjedhor në vend, shpesh duke dhënë mesazhe të qarta për nevojën e standardeve demokratike dhe reformave zgjedhore. Këtë herë, edhe pse reagimi ishte i shkurtër dhe i kujdesshëm, tonaliteti i tij sugjeron njohje të rezultatit dhe legjitimitet të procesit.

Të fundit

Situata e përsëritur me zjarret vitet e fundit, eksperti i sigurisë: Kambanë alarmi

Eksperti i çështjeve të sigurisë, Fatjon Softa, duke folur për zjarret në studion e News24 moderuar nga Megi Latifi,...

Pushtohet Praga, në Çekosllovaki hyjnë 500 mijë trupa të Traktatit të Varshavës

20 gusht 1968 - rrëzohet Pranvera e Pragës apo: socializmit me fytyrë njerëzore Nga Leonard Veizi Në agimin e 20 gushtit 1968, Praga u zgjua nën...

Parashikimi i motit për sot, 20 gusht 2025

Pothuajse i gjithë vendi ynë do të jetë nën ndikimin e masave ajrore të qëndrueshme, duke sjellë intervale të gjata me diell dhe kalime...

INSTAT: Rritet punësimi tek të moshuarit! Shkak emigrimi dhe pensionet e ulëta

Personat në pension janë duke u angazhuar gjithnjë më shumë në tregun e punës dike plotësuar hendekun që po lënë të rinjtë e ikur...

Moti i keq godet sërish Italinë, përmbytje, stuhi dhe alarm në disa rajone

Disa rajone të Italisë po përballen sërish me mot të keq, përmbytje dhe stuhi që kanë shkaktuar dëme dhe alarme në disa zona. Në Siçili,...

Lajme të tjera

Web TV