Ukraina do të pajiset me raketa me rreze të gjatë veprimi. Kështu është shprehur Kancelari i Gjermanisë, Friderich Merz, gjatë një konference shtypi me Presidentin e Ukrainës, Volodymyr Zelenskyy.
Merz theksoi gjithuashtu se Putin po luan me kohën dhe vazhdon të flasë me gjuhën e një agresori, shkruan A2.
“Rusia po luan me kohën dhe vazhdon të flasë gjuhën e një lufte agresioni. Ne do të vazhdojmë të ofrojmë dhe të rrisim mbështetjen tonë ushtarake për ukrainasit. Nuk do të ketë kufizime dhe ukrainasit do të jenë në gjendje të mbrojnë veten. Ne duam t’u bëjmë të mundur ukrainasve të kenë armë me rreze të gjatë veprimi”, tha Merz.
Në konferencën e tij për shtyp, kancelari gjerman Friedrich Merz kritikoi sulmet masive ajrore të Rusisë në Ukrainë. Ata janë një “shuplakë në fytyrë për të gjithë ata që luftojnë për një armëpushim”, jo vetëm në Ukrainë, por edhe në Evropë dhe SHBA, tha ai.
Merz tha gjithashtu se mbështetja ushtarake do të “vazhdojë dhe do të zgjerohet”.
Kur një gazetar e pyeti për dorëzimin e raketave kruiz Taurus, Merz nuk dha një përgjigje specifike. Nga ana e tij, Presidenti i Ukrainë theksoi se të gjithë, përshi edhe SHBA-në, po presin për lëvizjen e radhës të Vladimir Putin.
“Ne pritëm për rusët të njoftojnë agjendën e tyre dhe çfarë ata donin. Armëpushimi në fillim dhe agjenda për takimin midis liderëve. Ne pritëm për këtë gjë përpara shkëmbimit të të burgosurve. Më pas, ata thanë se do të ketë një agjendë ose memorandum. Nuk e di se me çfarë ideje do të vijnë ata tjetër. Nuk kemi marrë asgjë deri pas shkëmbimit të të burgosurve. Pala jonë ka kontaktuar rusët. Ministri i Mbrojtjes telefonoi negociatorët rus. Ata thanë se do të ketë diçka, por ne nuk kemi marrë asgjë. Askush nuk ka marrë asgjë. Pyetëm edhe Shtetet e Bashkuara dhe ata po presin gjithashtu. Të gjithë po presin”, deklaroi Zelensky.
Mes dy liderëve pati gjithashtu “diskutime intensive” rreth mënyrës së përfundimit të luftës përmes mjeteve diplomatike. Kievi është gjithashtu gati për një armëpushim pa kushte. Merz tha se e dinte që ishte në përputhje me vendet evropiane. Ai shpreson gjithashtu për mbështetje nga qeveria amerikane, të cilën Merz nuk e përmendi në listën e administratave me të cilat është dakord. m.p.
