I ftuar në emisionin “Log.”, Sekretari i Përgjithshëm i PD, deputeti Flamur Noka, ka akuzuar qeverinë për shkelje flagrante të standardeve demokratike gjatë zgjedhjeve të 11 majit.
Sipas Nokës, procesi zgjedhor ishte i manipuluar dhe i dominuar nga presioni shtetëror, duke e përshkruar situatën si një “farsë e paralajmëruar”.
“Në një sistem demokratik kush është garanti i rregullave zgjedhore, i votës së lirë? Shteti. A kishte një garant të tillë? Jo. PD dhe aleatët bën betejë me partinë e pushtetit, me shtetin të kthyer në shtet elektoral. Çdo punonjës i administratës ishin shndërruar në një militant partie, që kishte detyrë jo vetëm të votonte, por edhe të çonte 20 vota”, tha Noka.
Ai akuzoi dhe strukturat e Shërbimit Informativ Shtetëror se u angazhuan në zgjedhje duke bërë rolin e patronazhimit.
“Sipas informacioneve, edhe SHISH, dy nëndrejtorët angazhuan rrjetin e bashkëpunëtorëve të shërbimit me detyrë patronazhimin. Ku është kjo? A janë zgjedhje këto? A ndodh në ndonjë vend tjetër të NATO, BE? A ndodh kjo skemë kriminale në ndonjë vend të NATO? Vota është e shenjtë”, tha Noka.
Flamur Noka: Një farsë e paralajmëruar. Me anë të rezolutave të PPE dhe më gjerë. Të organizatave kryesore botërore të qendrës së djathtë. Ku theksohet shteti elektoral, presioni, patronazhimi i votës, ku theksohet që Shqipëria është narko-regjim.
Nuk ka zgjedhje. Ju e patë edhe sot. Ata dukeshin sikur s’kishin fituar. Ishin në një heshtje mortore. Ishin sikur i kishte rënë mortja. Ju doli situata jashtë kontrollit. U bë një batërdi. U njësuan shteti me partinë e pushtetit. Për herë parë në 30 vjet, krimi përqendroi votën. Në një shtet demokratik opozita e ka përballjen me forcën e pushtetit.
Në një sistem demokratik kush është garanti i rregullave zgjedhore, i votës së lirë? Shteti. A kishte një garant të tillë? Jo. PD dhe aleatët bën betejë me partinë e pushtetit, me shtetin të kthyer në shtet elektoral. Çdo punonjës i administratës ishin shndërruar në një militant partie, që kishte detyrë jo vetëm të votonte, por edhe të çonte 20 vota.
Për regjimin. Ne pamë policia, si kurrë ndonjëherë, në shërbim të partisë për të ,mbledhur vota, me patronazhim edhe policët. Sipas informacioneve, edhe SHISH, dy nëndrejtorët angazhuan rrjetin e bashkëpunëtorëve të shërbimit me detyrë patronazhimin. Ku është kjo? A janë zgjedhje këto? A ndodh në ndonjë vend tjetër të NATO, BE? A ndodh kjo skemë kriminale në ndonjë vend të NATO? Vota është e shenjtë.
Ne jemi me mision, misionarë të votës së lirë. Mision i shenjtë për çdo njeri që ndjen se ka detyrime për këtë vend. Ju them sot, se 11 maji tregoi se jemi në diktaturë të re më të egër se diktatura ideologjike./E.T
