Sulmuesi i PSG-së, Ousmane Dembélé (28) është shpallur lojtari më i mirë i sezonit në Champions League 2024-2025. Francezi ngriti trofeun e Ligës së Kampionëve për herë të parë në karrierën e tij pasi PSG mposhti Interin 5-0 në finalen e së shtunës në Mynih.
Dembélé pati një paraqitje të gjithanshme në finale, duke dhënë dy asistime, një për Désiré Doué dhe një për Khvicha Kvaratskhelia. Kurorëzimi i Dembélé si lojtari më i mirë i sezonit në Champions League mund të jetë një hap drejt çmimit më prestigjoz individual në futbollin botëror: Topin e Artë.
🏆 UEFA Champions League Player of the Season: Ousmane Dembélé! 👏#UCL | @PSG_inside pic.twitter.com/1BQFl4Ficf
— UEFA Champions League (@ChampionsLeague) June 1, 2025
UEFA ka publikuar edhe ekipin e sezonit në Champions League. Nga 11 lojtarët e zgjedhur, shtatë prej tyre (Gianluigi Donnarumma, Marquinhos, Achraf Hakimi, Nuno Mendes, Vitinha, Ousmane Dembélé dhe Désiré Doué) luajnë për PSG./ D.C.
👕🙌 UEFA's Technical Observer Group has selected its 2024/25 UEFA Champions League Team of the Season…#UCL pic.twitter.com/sxWvBWwISk
— UEFA Champions League (@ChampionsLeague) June 1, 2025