Të paktën 1,194 emigrantë mbërritën dje në bregdetin jugor të Anglisë, duke kaluar Kanalin Anglez me varka të vogla, sipas të dhënave të qeverisë britanike.
Ky fluks i madh erdhi ndërsa autoritetet bregdetare franceze ndërhynë për të shpëtuar rreth 200 persona në rrezik gjatë tentativës për kalim.
Ky është numri më i lartë i regjistruar për një ditë në vitin 2025 për kalimet përmes Kanalit Anglez, një nga rrugët më të rrezikshme të migrimit të paligjshëm në Evropë. Megjithatë, shifra mbetet pak më e ulët se rekordi absolut prej rreth 1,300 emigrantësh që kaluan në një ditë në shtator 2022./kb
