E vërteta është se s’ka nevojë për psikolog – mjafton të shohim çfarë porosit dikush në takimin e parë, dhe mund të lexojmë karakterin si një menu hapur! Ja çfarë thotë porosia jote për ty, sipas “shkencës” së dashurisë me kripë dhe piper:
Vetëm sallatë (pa bukë, pa kripë, pa gjë)
Ti ndoshta mendon që po jep një mesazh të thjeshtë: “Po kujdesem për veten.”
Por në realitet, ai/ajo mendon: “A e kam ftuar në takim apo në detox?”
Je tipi i rezervuar, që s’do të japë shumë në fillim. Nëse dikush arrin të të ‘gatuajë’ siç duhet, mund të jesh surprizë e ëmbël.
Burger me gjithçka dhe porcion ekstra patate
Nuk ke frikë të tregosh kush je. As kalorive, as mendimeve të njerëzve.
Je tipi energjik, me shumë humor, që e sheh jetën si një festë (edhe nëse është në fast food). Por kujdes: mund të dukesh pak i/e shkujdesur emocionalisht.
Sushi ose diçka “ekzotike”
Kërkon që takimi të jetë një eksperiencë. Nuk je thjesht për njohje – je për histori.
Je tipi selektiv, i rafinuar, dhe pak misterioz. Je aty për një lidhje me përmbajtje, por edhe me estetikë. Ai/ajo duhet të dijë të lexojë mes rreshtash… dhe mes shijeve.
Pica (po e ndajmë apo secili nga e veta?)
Je person social, që nuk e dramatizon jetën. Për ty, një takim i mirë është ai ku qeshni, flisni lirshëm dhe… ka djathë të shkrirë.
Je tipi që kërkon thjeshtësi dhe sinqeritet. Nëse pica është me ananas… ke personalitet të guximshëm. Shumë të guximshëm.
Makaronat – sidomos nëse janë me salcë që të lyejnë gjithë buzët
Je romantik/e pa e fshehur. Pak klasik/e, pak poet. Për ty, dashuria nis nga stomaku, por s’mbetet vetëm aty.
➡ Je emocional/e, i/e ndjeshëm/me dhe je i/e gatshëm/me të ndash gjithçka – edhe lugën.
Diçka “serioze” si mish me garniturë, verë dhe pjatë të dytë
Ti nuk je për aventura të shpejta. Takimi për ty është si një darkë elegante – me rregulla, ritëm dhe shumë shije.
Je ambicioz/e, me standarde të qarta. Nëse ai/ajo nuk di të mbajë pirunin siç duhet, ndoshta nuk do ketë takim të dytë.
E porosite ëmbëlsirën para se të vijë ushqimi
Kush ka durim? Jeta është për të shijuar gjërat që na bëjnë të lumtur – tani.
Je impulsiv/e, optimist/e, dhe dashuron pa shumë kalkulime. Ndonjëherë digjesh… por edhe jeton më shumë se të tjerët.
Konkluzioni?
S’ka rëndësi çfarë porosit, për sa kohë nuk thua: “Nuk kam uri.”
Sepse kjo do të thotë një nga dy gjëra:
Je i/e pasigurt, ose
Je aty vetëm për fotot për Instagram./E.Ç
