Ndalesa e re për udhëtimin, e cila është shpallur nga Presidenti Donald Trump, hyri në fuqi të hënën në mëngjes, menjëherë pas mesnatës. Ky vendim ndalon qytetarët nga një duzinë shtetesh të hyjnë në Shtetet e Bashkuara të Amerikës.
Ky hap pritet të pengojë rrugët e refugjatëve dhe të kufizojë më tej emigracionin, ndërkohë që administrata Trump vazhdon të forcojë politikat e saj ndaj hyrjeve të paligjshme. Shumë nga vendet e përfshira në ndalesë, si Irani dhe Afganistani, kanë marrëdhënie të tensionuara me SHBA-të, ndërsa shtete të tjera si Haiti dhe Libia përballen me kriza humanitare të rënda.
Kur njoftoi këto kufizime javën e kaluar, Trump theksoi se kjo masë u motivua nga një “sulm terrorist” i fundit në Kolorado, ku një grup protestuesish që shprehnin solidaritet me pengjet në Gaza u sulmuan nga një individ që, sipas Shtëpisë së Bardhë, kishte tejkaluar afatin e vizës./kb
