“Mundo Deportivo” raporton se Barcelona është e vendosur të transferojë një anësor për sezonin e ri dhe në listë janë 3 emra të njohur. Objektivi kryesor i katalanasve shtë Luis Diaz.
Kolumbiani shihet si përforcimi ideal për skemën e Hansi Flick, por duket shumë e vështirë të arrihet marrëveshja me Liverpool. Kampioni i Anglisë kërkon të paktën 80 milionë euro për Diaz, shifër thuajse e papërballueshme për financat e Barcelonës.
Emri i dytë është Nico Williams, një dëshirë e vjetër e klubit katalanas. Verën e kaluar anësori spanjoll ishte shumë pranë transferimit te Barcelona, por në fund vendosi të qëndrojë te Bilbao. Klubi bask është i gatshëm të heq dorë nga 22-vjeçari nëse paguhet klauzola e tij 65 milionë euro.
Emri i tretë është Marcus Rashford, një zgjidhje më e lirë për katalanasit. Anglezi nuk është në planet e Ruben Amorim, Manchester United është i hapur për largimin e tij për një shifër rreth 47 milionë euro, shumë më pak në krahasim me dy emrat e parë. m.p.
