Në pistën italiane të Mugello u zhvillua sot gara sprint e radhës e botërorit të MotoGP. Një garë, që ashtu si të tjerat, u fitua nga piloti spanjoll i Ducati, Marc Marquez, që dominoi në pistë.
Sukses që e bën Marquez gjithnjë e më shumë lider të botërorit, shkëputur nga rivalët. Në vendin e dytë u rendit vëllai i tij Alex Marquez me Ducati Gresini, që ndodhet i dyti edhe në klasifimimi n botëror, por 35 pikë pas Marc.
Në vendin e tretë sot u rendit italiani Francesco Bagnaia me motorin tjetër Ducati, pa mundur dot të duelojë me dy vëllezërit për fitoren. Marc Marquez i kaloi dy rivalët që në xhiron e tretë (11 të tilla) dhe e ruajti kreun deri në fund. m.p.
