Pas 12 ditësh ndërprerjeje totale të trafikut ajror civil mbi hapësirën ajrore të Irakut dhe Iranit, avionët kanë nisur sërish të fluturojnë mbi Bagdad dhe drejt lindjes së Iranit, sinjalizim ky për një ulje të rrezikut pas bombardimeve masive të SHBA-së dhe Izraelit ndaj objekteve bërthamore iraniane.
Në një pamje të fundit nga monitorimi i trafikut ajror në kohë reale, dallohet qartë një avion i Turkish Airlines (THY6895) duke fluturuar mbi Irak, në drejtim të lindjes, ndërkohë që më parë kjo zonë kishte qenë tërësisht bosh nga avionët komercialë, për shkak të rrezikut të bombardimeve.
Po ashtu, vërehet një rritje e lehtë e trafikut edhe në kufirin perëndimor të Iranit, një tregues që linjat ajrore po fillojnë të riaktivizojnë itinerarët përmes hapësirës ajrore iraniane, e cila ka qenë e shmangur pas sulmeve ajrore të koduara si “Midnight Hammer”./e.t
