Vala e të nxehtit ka përfshirë të gjithë Mesdheun, ku termometri është duke shënuar deri në 40 Gradë Celsius. Sipas metorologëve i nxehti ka përfshirë të gjithë Europën dhe sipas parashikimeve të fundit ,temperaturat do të vazhdojnë të rriten edhe në ditët në vijim. Ndërkohë, kjo e premte rezulton të jetë dhe dita më e nxehtë. Madje, Ministria e Shëndetësisë në Itali ka shpallur gjendjen e emergjencës në 13 qytete.
Si rrjedhojë e temperaturave të larte nëpër spitale ka pasur një rritje të vizitave në urgjencë. E njëjta situatë është raportuar edhe në vendin tonë, ku qytetarë të shumtë janë paraqitur pranë ambienteve të urgjencës për të marrë ndihmë mjekësore. Valët e të nxehtit mund të shkaktojnë probleme për infrastrukturën, siç janë trenat që ecin me shpejtësi të reduktuar për shkak të rrezikut të zgjerimit dhe përkuljes së shinave të trenave nga nxehtësia. Gjithashtu si pasojë e temperaturave të larta përballemi dhe me më shumë probleme shëndetësore, të cilat mund të çojnë në një rritje të numrit të vdekjeve./E.T
