Një aksident rrugor ka ndodhur ditën e sotme në aksin rrugor ‘Shkodër-Lezhë’, ku janë përfshirë tre automjete.
Përmes një njoftimi, Policia bën të ditur se aksidenti ka ndodhur në orën 14:50, teksa një 42-vjeçar duke drejtuar kamionin e tij, dyshohet se ka humbur kontrollin mbi drejtimin e automjetit dhe si pasojë është përplasur me dy makina të tjera.
Si pasojë e përplasjes, ka ndërruar jetë në Spitalin Rajonal Shkodër një 37-vjeçar, ndërsa janë dëmtuar bashkëshortja e tij, shtetasja J. B., 32 vjeçe dhe dy fëmijët e mitur, pasagjerë në të njëjtin automjet, shkruan A2 CNN.
Fatmirësisht të dëmtuarit ndodhen jashtë rrezikut për jetën, ndërkohë që grupi hetimor vijon punën për zbardhjen e plotë të rrethanave dhe përcaktimin e shkakut të aksidentit.
