Një 62-vjeçar ka denoncuar humbjen e të fejuarës së djelit të tij.
Ngjarja ka ndodhur në Sanxhak të Kurbinit, teksa vjehrri i është drejtuar Komisariatit për të kërkuar ndihmë në gjetjen e nuses, që është larguar në shkaqe dhe rrethana të panjohura. Kallëzimi është bërë ditën e djeshme dhe sot (9 korrik) policia konfirmoi rastin.
“U paraqit në Komisariat K. R., 62 vjeç, banues në Sanxhak, Kurbin, se është larguar nga banesa e tij e fejuara e djalit, shtetasja V. P.”, tha policia për detajet paraprake, por pa dhënë hollësi.
Nuk dihen arsyet e largimit të vajzës së re nga banesa e vjehrrit të saj, nëse ka qenë konflikt familjar apo ndonjë rrethanë tjetër. Policia bëri me dije se ka nisur hetimet dhe po vijon puna për gjetjen e saj./E.T
