Red Bull Racing ka shkarkuar drejtuesin e skuadrës Christian Horner pas dy dekadash në krye.
Ekipi i Formula 1 njoftoi të mërkurën se kishte shkarkuar drejtorin e saj të ekipit prej shumë vitesh, mes një sezoni të trazuar që në fund të fundit mund të çojë në largimin e Max Verstappen. Horner ka qenë drejtori i ekipit me shërbimin më të gjatë në F1.
“Ne do të donim të falënderonim Christian Horner për punën e tij të jashtëzakonshme gjatë 20 viteve të fundit,” tha në një deklaratë ekzekutivi i Red Bull, Oliver Mintzlaf.
“Me angazhimin e tij të palodhur, përvojën, ekspertizën dhe mendimin inovativ, ai ka qenë instrumental në vendosjen e Red Bull Racing si një nga ekipet më të suksesshme dhe tërheqëse në Formula 1. Faleminderit për gjithçka, Christian, dhe ti do të mbetesh përgjithmonë një pjesë e rëndësishme e historisë së ekipit tonë.”
BREAKING: Christian Horner is to exit Red Bull Racing with immediate effect#F1 pic.twitter.com/v50mwnBlV6
— Formula 1 (@F1) July 9, 2025
Shkarkimi vjen pas muajsh të tëra rënieje të formës së ekipit dhe mosmarrëveshjeve të brendshme në nivelin më të lartë. Ky shkarkim vjen gjithashtu 17 muaj pasi Horner u akuzua për ngacmim seksual dhe sjellje te papershtatshme ndaj një punonjëse femër. Horner u lirua dy herë nga akuzat, së pari pas një hetimi të brendshëm të kryer nga një avokat, pastaj nga një avokat tjetër i cili e hodhi poshtë ankesën.
Drejtori i ekipit RB, Laurent Mekies, do të marrë përsipër detyrën e Drejtorit Ekzekutiv të Red Bull Racing. Mekies ka qenë përgjegjës për ekipin junior të Red Bull në F1. Drejtori i garave RB, Alan Permane, do të marrë përsipër detyrën e Mekies si drejtor i ekipit në RB.
Max Verstappen, kampioni katër herë në fuqi i F1, është i treti në renditjen e pikëve pas Piastri dhe shokut të tij të skuadrës në MekLaren, Lando Norris.
Megjithatë, më shqetësuese për Red Bull është vendi i tij në renditjen e konstruktorëve. Ekipi është i katërti pas McLaren, Ferrari dhe Mercedes me 172 pikë./ D.C
After 20 years with the Team, Christian Horner departs Oracle Red Bull Racing as Team Principal and CEO.
We thank him for his tireless and exceptional work. He has been instrumental in building this Team into one of the most successful in F1, with eight Drivers' Championships… pic.twitter.com/9SyqjSBvEG
— Oracle Red Bull Racing (@redbullracing) July 9, 2025
