Kryeministri Edi Rama ka ndarë në rrjetet sociale pamje nga Gjirokastra, e cila sot shënon 20-vjetorin e përfshirjes në listën e trashëgimisë botërore të UNESCO-s.
Në një postim në Facebook, Rama shkruan: “MIRËMËNGJES dhe nga Gjirokastra që kremton 20-vjetorin si pasuri Botërore në UNESCO dhe përjetësisht pasuri e shpirtit, ju uroj ditë të mbarë”.
Gjirokastra është përfshirë në listën e UNESCO-s në vitin 2005 për vlerat e saj unike arkitektonike, historike dhe kulturore, duke u bërë një nga qytetet më të rëndësishme për trashëgiminë kulturore në Shqipëri./e.t
