Si funksionon funksioni i ri Repost në Instagram?

113 563 lexime

124,178FansaPëlqeje

Me siguri e keni vënë re opsionin e ri Repost në Instagram, që ndodhet në të njëjtin rresht ku janë butonat Like dhe Share poshtë postimeve. Si bëhet repostimi, ku mund ta shihni dhe si ta çaktivizoni nëse nuk ju nevojitet?

Opsioni Repost këtu funksionon njësoj si në aplikacionet e tjera – mund të ripostoni postimet tuaja të preferuara dhe të shihni çfarë kanë ripostuar miqtë tuaj.

Për të ripostuar një foto ose një Reels, mjafton të klikoni në ikonën me dy shigjeta që formojnë një rreth, poshtë postimit. Gjithashtu mund të shtoni një mesazh në ripostimin tuaj duke shkruar tekstin në flluskën e vogël që shfaqet në ekran dhe duke shtypur Ruaj (Save). Nëse e keni ripostuar diçka gabimisht, ose nëse ndërroni mendje, mund ta anuloni lehtësisht duke shtypur sërish ikonën e Repost.

Ripostimet tuaja do të shfaqen në një skedë të veçantë në profilin tuaj, që ndodhet midis skedave Reels dhe Fotot ku jeni etiketuar (Tagged photos). Ato do të jenë gjithmonë të atribuuara autorit origjinal, edhe kur shfaqen në profilin tuaj.

Mund të ripostoni pothuajse çdo gjë në Instagram, për sa kohë që postimi vjen nga një llogari publike. Nuk mund të ripostoni përmbajtje nga llogaritë private.

Kur ripostoni diçka, ajo do t’u rekomandohet miqve dhe ndjekësve tuaj në fidin e tyre. Kjo do të thotë se kur të tjerët ripostojnë diçka, ajo mund të shfaqet edhe në ‘feed’ tuaj.

Si të çaktivizoni funksionin Repost?

Mund të parandaloni të tjerët të ripostojnë përmbajtjen tuaj, por nuk mund ta hiqni krejtësisht funksionin Repost. Ripostimet e të tjerëve do të vazhdojnë të shfaqen në fidin tuaj.

Për të çaktivizuar mundësinë që të tjerët të ripostojnë fotot dhe Reels-et tuaja, ndiqni këto hapa:

Zgjidhni foton e profilit tuaj në këndin e poshtëm djathtas.

Klikoni në Menu në këndin e sipërm djathtas.

Shtypni Sharing (Ndarja).

Çaktivizoni opsionin Allow reposts (Lejo ripostimin). /e.t

Të fundit

Woody Allen thotë se Donald Trump ishte ‘një aktor shumë i mirë’

Allen, i cili e drejtoi Trump-in në filmin "Celebrity" të vitit 1998, shton se nuk pajtohet me politikën e...

Shkrepset e idjotëve që do t’i vënë flakën botës

Leonard Veizi Botën nuk do ta shkatërrojnë as meteorët, as cunamet, as ndonjë supervirus i krijuar në laboratorin e rradhës që do na e shesin...

4 shtator 1972: Tre hajdutë vjedhin 18 piktura nga Muzeu i Montrealit

Në orët e para të mëngjesit të 4 shtatorit 1972, tre hajdutë të armatosur dhe të maskuar hynë në Montreal Museum of Fine Arts...

Rusia shpall të padëshiruar institutin britanik, ‘preket’ edhe profesori shqiptar

Përmes një njoftimi, Prokuroria e Përgjithshme e Rusisë ka ndaluar veprimtarinë e organizatës joqeveritare britanike Instituti Mbretëror i Shërbimeve të Bashkuara për Studime të...

Protestat në Izrael/ Netanyahu: Kam marrë kërcënime me vdekje!

Kryeministri izraelit, Benjamin Netanyahu, kritikoi ashpër të mërkurën policinë për dështimin e saj në menaxhimin e protestave masive pranë rezidencës së tij në Jerusalem. Ai...

Lajme të tjera

Web TV