Mediat sociale, veçanërisht Tik Tok, kanë publikuar masivisht këtë fundjavë pamjet e një ngjarje të pabesueshme ku shihet sesi një delfinë vret trajneren e vet, Jessica Radcliffe, gjatë një shfaqjeje të drejtpërdrejtë për publikun.
Njerëzit pohuan gjithashtu se aksidenti ishte filmuar në kamera. Por nuk ka asgjë të vërtetë në këtë.
Verifikimi i fakteve tregon se Radcliffe është një personazh krejtësisht imagjinar. Nuk ekzistojnë raporte policie, deklarata të parkut detar apo pamje të besueshme për të mbështetur këtë pohim.
Postimet virale ndjekin një formulë të njohur mashtrimi: tituj që joshin klikime, video të vjetra dhe të palidhura dhe imazhe të gjeneruara nga inteligjenca artificiale të ripaketuara si lajme të fundit.
Klipi, i cili u shpërnda gjerësisht në TikTok, pretendonte se “23-vjeçarja” u sulmua gjatë një performance. Videoja gjithashtu pretendonte se Radcliffe vdiq dhjetë minuta pasi stafi e shpëtoi. Një video tjetër pretendonte se sulmi ndodhi pasi gjaku i saj menstrual u përzie me ujin.
Pavarësisht shumë videove që bëjnë xhiron e botës, nuk ka raportime në media për sulmin e Jessica Radcliffe. Për më tepër, zërat në video duket se janë gjeneruar nga inteligjenca artificiale, raportoi gazeta keniane The Star.
Hindustan Times ka konfirmuar se nuk ka trajnere me emrin Jessica Radcliffe. Kjo konfirmon se klipi viral është thjesht i manipuluar, duke përdorur inteligjencën artificiale për të krijuar klipet ose imazhet.
Së bashku me klipet, në video u përdorën pamje të vjetra, mbishkrime të besueshme dhe britma të gjeneruara nga inteligjenca artificiale nga publiku, gjë që i bëri njerëzit të besonin se videoja ishte e vërtetë.
Dhe kjo çoi në faktin se historia e sulmit ndaj orkave dhe Jessica Radcliffe u bë shumë trend në platformat e mediave sociale, ku klipi ishte vetëm “karrem klikimesh” dhe u krijua për të mashtruar audiencën për të fituar shikueshmëri./E.T
